კორონავირუსის ეპიდემიის გავრცელებასთან ბრძოლის ერთ-ერთ უმნიშვნელოვანეს ფაქტორად სპეციალისტები სოციალურ იზოლაციას მიიჩნევენ, რაც ადამიანებს შორის კონტაქტის მინიმიზაციას მოიაზრებს.
სახლში დარჩენას და გადაუდებელი აუცილებლობის გარეშე გარეთ გასვლისგან თავის შეკავებას ქალაქების მკვიდრებს სთხოვენ ხელისუფლების წარმომადგენლები და მოხალისეები.
ვირუსით ინფიცირების პირველი შემთხვევა საქართველოში 2020 წლის 26 თებერვალს დადასტურდა. 21 მარტს საქართველოში საგანგებო მდგომარეობა გამოცხადდა.