თბილისი, 26 მარტი – Sputnik. ქუთაისში საფრანგეთიდან ჩამოსულ პირს კორონავირუსი დაუდასტურდა, იუწყება პირველი არხი.
ახალგაზრდა მამაკაცს გამოკვლევა ქუთაისის ლაბორატორიაში ჩაუტარდა.
დაავადებათა კონტროლის იმერეთის სამმართველოს უფროსის, გოჩა გიორგიძის თქმით, აღნიშნულ პირს საფრანგეთში მოგზაურობის ისტორია აქვს და ქუთაისის ინფექციურ საავადმყოფოში კარანტინიდან გადაიყვანეს.
ამ მომენტამდე არსებული მონაცემებით, საქართველოში ახალი კორონავირუსით ინფიცირებულთა რიცხვი 79-ს შეადგენდა. გამოჯანმრთელებულია 11 პაციენტი. საკარანტინო რეჟიმში იმყოფება 4346 ადამიანი, ხოლო სტაციონარებში დაკვირვების ქვეშ – 247.
საქართველოს მთავრობამ 21 მარტს ერთი ქვეყანაში საგანგებო მდგომარეობა შემოიღო, 23 მარტს კი მარნეულისა და ბოლნისის მუნიციპალიტეტები საკარანტინო ზონად გამოაცხადა.