თბილისი, 27 მარტი – Sputnik. ქართველმა ჩოგბურთელმა ანა ტატიშვილმა 30 წლის ასაკში განაცხადა, რომ პროფესიულ კარიერას ასრულებს. თავისი გადაწყვეტილების შესახებ მან Twitter-ში დაწერა.
ტატიშვილი 2014 წლამდე ქართული დროშით ასპარეზობდა, შემდეგ მან აშშ-ის მოქალაქეობა მიიღო და მას მერე შეჯიბრებებზე ამ ქვეყნის სახელით გამოდიოდა.
„სამწუხაროდ, ქრონიკული ტრავმების გამო ორგანიზმი აღარ მაძლევს ჩოგბურთის კონკურენტულ დონეზე თამაშის საშუალებას. პროფესიული ჩოგბურთი – ეს მხოლოდ ბრძოლა არაა კორტზე, არამედ ასევეა ბრძოლა ტრავმებთან. არა აქვს მნიშვნელობა, რამდენად მტკივნეულია ეს გადაწყვეტილება ჩემთვის – უნდა დავტოვო პროფესიული ჩოგბურთი... დავრჩები ამ სფეროში, ოღონდ სხვა სახით“, – დაწერა ტატიშვილმა.
თავისი კარიერის განმავლობაში ტატიშვილს WTA-ს სერიიდან არც ერთი ტურნირი არ მოუგია, მაგრამ 11-ჯერ მოიგო ITF-ის ეგიდით გამართული შეჯიბრებები.
ანა ტატიშვილი 2012 წელს WTA-ს რეიტინგში 50-ე პოზიციაზე ავიდა. ეს იყო მის კარიერაში საუკეთესო მაჩვენებელი.