თბილისი, 26 მარტი ― Sputnik. გამოცემა ანონიმურ წყაროებს ეყრდნობა, როდესაც ამბობს, რომ იტალიისთვის რუსეთის მიერ გადაცემული დახმარება COVID-19-თან ბრძოლისთვის გამოუსადეგარია, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.
მანამდე იტალიურმა La Stampa-მ ანონიმურ წყაროებზე დაყრდნობით დაწერა, რომ რუსეთის მიერ იტალიისთვის გადაცემული ტექნიკის 80% ინფექციასთან ბრძოლაში არ გამოდგება. იტალიელმა ჟურნალისტებმა გამოთქვეს მოსაზრება, რომ ამ სახით რუსეთის წარმომადგენლები „პოლიტიკურ ამბიციებს იკმაყოფილებენ“.
„ჩემი აზრი მარტივია: რატომ აკეთებენ ამ კომენტარს ანონიმური წყაროები?“ ― იკითხა ზახაროვამ.
მანამდე რუსეთმა იტალიაში 15 თვითმფრინავი გაგზავნა ანალიზისა და დიაგნოსტიკის მობილური ლაბორატორიებითა და დეზინფექციის მობილური კომპლექსებით.