თბილისი, 24 მარტი - Sputnik. კორონავირუსის გავრცელების ახალ კერად შეიძლება ამერიკის შეერთებული შტატები იქცეს, განაცხადა ჯანმრთელობის მსოფლიო ორგანიზაციის პრეს-მდივანმა მარგარეტ ჰარისმა.
ჯანმოს მონაცემებით, ამჟამად აშშ-ში კორონავირუსი ძალიან სწრაფი ტემპებით ვრცელდება.
„დღეისათვის ჩვენ ვხედავთ, რომ აშშ-ში დაავადების ახალი შემთხვევების გამოვლენა დაჩქარდა, ამიტომ მათ ყველა შანსი აქვთ“, - ხაზგასმით აღნიშნა ჯანმოს წარმომადგენელმა.
24 მარტის ბოლო მონაცემებით, აშშ-ში კორონავირუსით დაავადებულია 47 895 ადამიანი. ბოლო 24 საათში გარდაიცვალა 35 ადამიანი, ხოლო გარდაცვლილთა საერთო რიცხვმა 588-ს მიაღწია.
ამჟამად აშშ-ს კორონავირუსით დაავადებულთა რაოდენობის მიხედვით უსწრებს მხოლოდ ჩინეთი (81,171) და იტალია (63,927).
ადრე აშშ-ის მთავარმა ქირურგმა ჯერომ ადამსმა განაცხადა, რომ ქვეყანას კორონავირუსით დაავადებულთა რაოდენობის მკვეთრი მომატება ელოდება. მისი თქმით, ბევრი ამერიკელი ხელისუფლების რეკომენდაციებს უგულებელყოფს.