სილამაზის, ელეგანტურობისა და დახვეწილობის შენარჩუნება კესარია აბრამიძის უმთავრესი მიზანია. ცნობილ ქართველ ტელესახეს ვიზაჟის სკოლის დაარსება სურს. მაკიაჟის ხრიკებს პროფესიონალივით ეუფლება. მისი გარეგნობით აღტაცებულები რეალურ თუ ვირტუალურ სივრცეში კომპლიმენტებს არ იშურებენ. ის ცნობილ ქართველ ტელესახეებს ემეგობრება და მაკიაჟის კეთებით ანებივრებს. მათ სიას უერთდება ლელა წურწუმია, რომელთანაც კესარია ყველაზე დიდ დროს ატარებს. სულ ცოტა ხნის წინ კი, ფოტომოდელმა ნახევრად უკრაინელი დედა პოპ-დივას გააცნო. ულამაზესი ქალბატონების ფოტო სოციალურ ქსელში დიდი პოპულარობით გამოირჩეოდა.
კესარია აბრამიძის გარეგნობაზე ბევრს და დაუდრულებლად საუბრობენ. კესარიამ საჯაროდ აღიარა, რომ პლასტიკური ქირურგიისთვის არ მიუმართავს. ბავშვობის სურათებზე დაყრდნობით, ფოტომოდელს სახეზე ცვლილებები მხოლოდ ესთეტიკური ცენტრის დახმარებით აქვს. ტელეკომპანია „რუსთავი 2“-ის გადაცემა „ფარულ კონვერტში“ ამის დასამტკიცებლად კესარია ტომოგრაფიის გადაღებაზეც კი დათანხმდა, რომლის შედეგებიც ტელეწამყვანმა ია ფარულავამ საზოგადოებას გააცნო.
ფარულავას თქმით, ქირურგის დასკვნის თანახმად, ირკვევა, რომ ქირურგიული ჩარევა კესარიას სახის არეზე არ შეინიშნება, თუმცა ქვედა ტუჩის და ღაწვების მიდამოებში მცირე ნაწიბურები შეინიშნება. „ქვედა ტუჩზე ფილერი მაქვს. ასევე მაქვს ფილერი ღაწვებზე. ძალიან მიყვარს ფილერი“, – აღიარა კესარიამ. მისი თქმით, გაკეთებული აქვს ასევე საჯდომის კორექცია და მკერდიც.