ბოლო დღეების განმავლობაში საქართველოში დაახლოებით 60 ადამიანი დააკავეს თვითიზოლაციის რეჟიმის დარღვევის გამო. რისკის ჯგუფში შემავალი ქვეყნებიდან დაბრუნებულ ადამიანებს არ სურთ სახლში ჯდომა. მათ არ ესმით, რომ ისინი ინფექციის გადადების საფრთხეს უქმნიან ირგვლივ მყოფებს, ვინაიდან დაინფიცირების შემთხვევაში პირველი დღეების განმავლობაში ადამიანს სიმპტომები არ აღენიშნება. პოლიცია და საქართველოს დაავადებათა კონტროლის ცენტრის წარმომადგენლები მათ სავალდებულო კარანტინში ათავსებენ 14 დღით.