თბილისი, 14 მარტი — Sputnik. კორონავირუსისგან განკურნებულ პაციენტებს შესაძლოა ფილტვების ფუნქცია გაუუარესდეთ და იგრძნონ ხუთვა სწრაფი სიარულისას, აცხადებენ ჰონკონგის საავადმყოფოების სამმართველოში.
მედიკოსების დასკვნა ეფუძნება 12 განკურნებული პაციენტის ჯანმრთელობის მდგომარეობის კვლევას. როგორც როგორც ინფექციურ დაავადებათა ცენტრის ხელმძღვანელი ოუენ ცზენი აღნიშნავს, ორ-სამ ადამიანს დაუქვეითდა უნარი, აკეთონ ის, რასაც მანამდე აკეთებდნენ.
„ისინი იხუთებიან სწრაფი სიარულისას, ზოგ პაციენტს ფილტვების ფუნქციის 20-30 პროცენტით დაქვეითება აღენიშნება“, — ციტირებს ექიმის სიტყვებს გამოცემა South China Morning Post-ი.
ცზენის თქმით, განკურნებული პაციენტები შემდგომ კვლევას გაივლიან და ფილტვების გასამაგრებლად ფიზიოთერაპია დაენიშნებათ.
გარდა ამისა, ცხრა პაციენტის ფილტვების ტომოგრაფიით გამოვლინდა „დაბურული მინის“ სინდრომის მსგავსი ნიშნები, რაც შენაგანი ორგანოების დაზიანებაზე მეტყველებს.
COVID-19 და ორსულები: ბრიტანელი მეცნიერები სენსაციურ ფაქტებს აქვეყნებენ>>
ამასთან ოუენ ცზენი განმარტავს, რომ ჯერ კიდევ შესასწავლია, რამდენი ხნის განმავლობაში შეიძლება გაგრძელდეს კორონავირუსით დაავადების გავლენა ფილტვებზე. მაგალითად, სპეციალისტები აპირებენ გამოიკვლიონ, შეუძლია თუ არა COVID-19-ს, ხელი შეუწყოს ფილტვების ფიბროზის განვითარებას.
ექიმი ურჩევს გამოჯანმრთელებულ პაციენტებს, შეასრულონ ვარჯიშები გულ-სისხლძარღვთა სისტემის მასტიმულირებელი ვარჯიშები, მაგალითად, დაკავდნენ ცურვით, რათა დაეხმარნენ ფილტვებს ფუნქციების აღდგენაში.