არა ძალადობას – ზუგდიდში ქალთა დღეს ფემიციდის შემთხვევები გააპროტესტეს

თბილისი, 8 მარტი – Sputnik. ზუგდიდში ქალთა მიმართ ძალადობა და ფემიციდის შემთხვევები სიმბოლურად 8 მარტს გააპროტესტეს, იუწყება „Sputnik-საქართველოს“ კორესპონდენტი ადგილიდან.

აქციის ორგანიზატორების თქმით, აუცილებელია, რომ თითოეულმა მოქალაქემ მსგავსი შემთხვევების მიმართ მეტი პასუხისმგებლობა გამოიჩინოს. მათ აქციას პერფორმანსის სახე მისცეს და სიმბოლურად კაბები გამოფინეს ფემიციდისა და ძალადობის მსხვერპლი ქალების ისტორიებითა და წარწერებით.

„ბოლო თვეების განმავლობაში 8 ქალია მოკლული. ესაა შემზარავი სტატისტიკა და ჩვენ უნდა ვუთხრათ ყველას, რომ ასე გაგრძელება არ შეიძლება. არა ქალების მიმართ ძალადობას”, - აცხადებენ აქციის მონაწილეები.