მომღერალ ხატია წერეთელს შეყვარებულმა ლამაზი თაიგული მიართვა. ხატიამ ფოტო სოციალურ ქსელში გამოაქვეყნა და დაწერა, რომ იმედა ის ბიჭია, რომელიც მას სამყაროს ულამაზებს და მის გვერდით ავიწყდება, ქვეყანაზე რაც კი რამ ცუდი ხდება.
ცოტა ხნის წინ მომღერალმა ხატია წერეთელმა იმედა ვახტანგიშვილს წვეულებაზე სიმღერა მიუძღვნა. ვიდეომ სოცქსელები აალაპარაკა. საზოგადოებამ უკვე იცის, რომ ეს სიმღერა თავიდანვე მის შეყვარებულს ეძღვნებოდა. ეროტიკული ხასიათის კლიპი თავის დროზე ქართული ბაზრისთვის მართლაც რომ პროვოკაციული აღმოჩნდა, ხატია კი ერთ-ერთ ინტერვიუში ამბობდა, რომ ის საყვარელ „ვალენტინს“ მიუძღვნა, რომელზეც ყურებამდეა შეყვარებული.
კლიპში მონაწილე იმედა ვახტანგიშვილმა და ხატია წერეთელმა დაადასტურეს, რომ პარტნიორები იყვნენ და ერთად ყოფნა მოსწონდათ, თუმცა ამ ურთიერთობას „შეყვარებულების“ სახელს მაინცდამაინც არ არქმევდნენ. „ურთიერთობა ხომ შეიძლება გქონდეთ ადამიანთან, მაგრამ არ დაარქვა ყველაფერს სახელი? მაგის აღქმა უჭირს ბევრს, ზოგი შეყვარებულებს გვეძახის“, – განაცხადა იმედა ვახტანგიშვილმა.
იმედა ვახტანგიშვილი ერთ-ერთ ტურისტულ კომპანიაში მუშაობს და, როგორც თავად ამბობს, კლიპში მონაწილეობას სიამოვნებით დათანხმდა. ხატია წერეთელი ახალგაზრდა პარტნიორთან მეგობრობას, როგორც ჩანს, გადასაღები მოედნის მიღმაც აგრძელებს. კლიპის გადაღების შემდეგ წყვილი ერთად საბერძნეთში დასასვენებლადაც გაფრინდა. ერთი პერიოდი აქტიურად ვრცელდებოდა ხმები მათი დაშორების შესახებ, თუმცა აღმოჩნდა, რომ წყვილი კვლავ ერთადაა.