თბილისი, 28 თებერვალი – Sputnik. ფოთის ჰოსპიტალში ახალგაზრდა მამაკაცი კისრის არეში მიყენებული ჭრილობითაა მოთავსებული.
არსებული ინფორმაციით, მამაკაცმა ტრავმა ერთ-ერთ ტერმინალზე მიიღო. ინციდენტის მიზეზი კი ჯერჯერობით უცნობია.
„პორტის სასწრაფო დახმარების მიერ მოყვანილია 39 წლის მამაკაცი. აღენიშნება შემავალი ჭრილობა კისრის არეში მარცხნივ და გულმკერდის ტრავმა. მოთავსებულია რეანიმაციულ განყოფილებაში, გადაყვანილია მართვით სუნთქვაზე, უტარდება შესაბამისი მკურნალობა. არ ვიცით, როგორ მიიღო მან ეს დაზიანებები, რადგან პაციენტთან გასაუბრება ვერ მოვასწარით, მართვით სუნთქვაზე იქნა სასწრაფოდ გადაყვანილი“, – განაცხადა მიმღების ექიმმა გურანდა თევზაძემ.
მომხდარზე დაწყებულია გამოძიება.
ნიკა ლატარია