თბილისი, 26 თებერვალი — Sputnik. ამერიკის ერთ-ერთი ყველაზე ცნობილი განგსტერი ჯონ ფრანჩეზე-უფროსი, მეტსახელად სონი, ნიუ-იორკის საავადმყოფოში 104 წლის ასაკში გარდაიცვალა, იუწყება New York Post-ი.
ფრანჩეზე კოლომბოს მაფიოზური ოჯახის წევრი 33 წლის ასაკში გახდა. 1990 წლამდე ის მეორე პოზიციას იკავებდა იერარქიაში.
განგსტერი არაერთხელ იყო ნასამართლევი სხვადასხვა დანაშაულისთვის, მათ შორის – ბანკების ძარცვისა და მკვლელობებისთვის. ბოლოს ის 2011 წელს დააპატიმრეს, მაგრამ 2017 წელს გაათავისუფლეს ციხიდან ასაკის გამო.
ჯონ ფრანჩეზე-უფროსს სამი ვაჟი, ორი ქალიშვილი, არაერთი შვილიშვილი და შვილთაშვილი დარჩა.