თბილისი, 20 თებერვალი — Sputnik. საქართველოს ექს-პრემიერი და შინაგან საქმეთა ყოფილი მინისტრი ვანო მერაბიშვილი 6 წლისა და 9 თვის პატიმრობის შემდეგ გაათავისუფლეს, იუწყება „Sputnik-საქართველოს" კორესპონდენტი მოვლენების ადგილიდან.
საპატიმროსთან მერაბიშვილს დახვდნენ „ნაციონალური მოძრაობის", „ევროპული საქართველოსა" და რიგი სხვა ოპოზიციური პარტიების ლიდერები და აქტივისტები.
როგორც „ევროპული საქართველოს" წარმომადგენელმა თენგიზ გუნავამ განაცხადა, აქ მოვიდნენ როგორც მისი მეგობრები. ხოლო რომელ პარტიაში აღმოჩნდება ის, ამის შესახებ გადაწყვეტილების მიღების შემდეგ მერაბიშვილი თავად იტყვის.
მერაბიშვილი ახალმა ხელისუფლებამ 2013 წლის მაისში დააკავა. მას ბრალი წაუყენეს ექვს რეზონანსულ საქმეზე. აქედან ხუთ საქმეზე მან სასჯელი მოიხადა და საერთო ჯამში საპატიმროში ექვსი წელი და ცხრა თვე გაატარა.