თბილისი, 18 თებერვალი — Sputnik. პოლიციამ სამტრედიაში ქალის სასტიკ მკვლელობაში ეჭვმიტანილი დააკავა, აცნობეს „Sputnik–საქართველოს“ შინაგან საქმეთა სამინისტროს პრეს-სამსახურში.
ქართული მასმედიით გავრცელებული ინფორმაციის თანახმად, ახალგაზრდა ქალი, სავარაუდოდ, მეუღლემ მოკლა. მამაკაცმა ქალს ყელი გამოსჭრა იუსტიციის სახლში, სადაც ქალი განქორწინების გასაფორმებლად იყო მისული.
გამოძიება სსკ-ს 108-ე მუხლით მიმდინარეობს, რაც განზრახ მკვლელობას გულისხმობს და 7-დან 15 წლამდე ვადით თავისუფლების აღკვეთას ითვალისწინებს.