ერთ-ერთი ყველაზე მხიარული, მომღიმარი, ულამაზესი ყოფილი მოდელი და ტელეწამყვანი გულგრილს არავის ტოვებს. თიკა ფაცაციას ყოველდღიური ცხოვრება ყველას აინტერესებს. მისი მიმზიდველი გარეგნობა, ჩაცმულობა, დახვეწილი მანერები და საუბრის სტილი უამრავ კომპლიმენტს იმსახურებს. და ასეც არის... თიკას ტელეეკრანზე გამოჩენა დიდი ზეიმია და გადაცემებს რეიტინგიც შესაბამისი აქვს.
უმშვენიერეს მომღერალ და ტელეწამყვან თიკა ფაცაციას მეუღლის მიმართ ინტერესი არ ნელდება. ფაცაციას მეუღლე ბიზნესმენი დავით ანთელიძეა. თიკა, დავით ანთელიძეზე 17 წლის ასაკში იქორწინა. მეუღლე მასზე გაცილებით უფროსია, თუმცა წყვილის ქორწინება მყარი გამოდგა. დავით ანთელიძეს არ უყვარს საჯარო ადგილებში გამოჩენას და თავს არიდებს კამერებს. პირად ცხოვრებაზე არც ფაცაციას უყვარს საუბარი. მათი ოჯახი მრავალი წლის წინ შეიქმნა, ჯერ კიდევ მაშინ, როცა თიკა კარიერას იწყებდა. დავით ანთელიძე მაშინ ამერიკაში ცხოვრობდა, ფაცაცია ტელევიზორში ნახა და თბილისში დაბრუნების შემდეგ გადაწყვიტა, პირადად გაეცნო. თიკას და დავითს სამი ვაჟი ჰყავთ- უფროსი თვრამეტი წლისაა, უმცროსი − ხუთის. ტელეწამყვანი, აღნიშნავს, რომ ფორმაში ყოფნის სტიმულს მისი მეუღლე ანიჭებს.
ტელეწამყვანის უფროსმა ვაჟმა დედის ახალგაზრდობის ფოტოები გამოაქვეყნა. თიკა ფაცაციას ხელუხლებელი სილამაზე აღფრთოვანებას იწვევს. აშკარაა, რომ ტელესახეს პლასტიკური ქირურგიისთვის არ მიუმართავს. ძველ ფოტოებზე დაყრდნობით თიკა შეუდარებლად გამოიყურება. აღნიშნული სურათები 21 წლის წინ არის გადაღებული. იტალიაში მოგზაურობისას თიკას მისმა მეორე ნახევარმა დავით ანთელიძემ გადაუღო. სავარაუდოდ, ეს მათი პირველი საერთო მოგზაურობაა იტალიაში.