ოთხშაბათს, საღამოს ავიაკომპანია Pegasus-ის თვითმფრინავი, რომელიც ასრულებდა რეისს იზმირი–სტამბული, საბიჰი გიოქჩენის აეროპორტში დაჯდომისას ბილიკის ფარგლებს გასცდა და სამ ნაწილად დაიშალა.
თვითმფრინავმა აეროპორტის ღობე გაანგრია და 30-40 მეტრის სიმაღლიდან გადავარდა საავტომობილო გზის მახლობლად.
ბორტზე სულ 183 ადამიანი იმყოფებოდა – 177 მგზავრი, მათ შორის ორი ბავშვი, და ეკიპაჟის ექვსი წევრი. თურქეთის ჯანდაცვის სამინისტროს ცნობით, დაიღუპა ერთი ადამიანი, ხოლო 179 ადამიანს ჰოსპიტალიზაცია დასჭირდა. წინასწარი ინფორმაციით, ტრაგედიის მიზეზი უამინდობა გახდა.
აეროპორტი დაკეტილია, თურქეთის გენერალური პროკურატურა მომხდართან დაკავშირებით გამოძიებას აწარმოებს.