სექტემბერში ულამაზესი ტელეწამყვანი 30 წლის გახდა და დაბადების დღე ოჯახთან ერთად თურქეთში აღნიშნა. ყოფილი მოდელი ლილესა და ერეკლეს დედაა. გვანცას მეუღლე ვახო მჭედლიძე ყოფილი მორაგბე, ამჟამად კი ბიზნესმენია. წყვილი თითქმის 10 წელია დაქორწინებულია. გვანცა დარასელიას სიყვარულის ისტორია 2011 წლიდან იწყება. ცნობილ ტელეწამყვანს სიყვარულის დამალვა დიდხანს არ გამოუვიდა. მალე გაირკვა, რომ მისი რჩეული ყოფილი მორაგბე ვახო მჭედლიძე იყო.
წყვილმა ერთმანეთი ერთ-ერთ საღამოზე გაიცნო, სადაც გვანცამ იმღერა. მოდელის გარეგნობითა და ხმით მოხიბლულმა ვახომ გვანცას გაცნობა გადაწყვიტა. აღმოჩნდა, რომ მას ტელეეკრანზე მომავალი ცოლი ნანახი არ ჰყავდა. გვანცას ხმამ და ციმციმა თვალებმა ვახოს ყურადღება მიიქცია და იმ საღამოს კომპლიმენტიც მიიღო. ურთიერთობა სოციალურ ქსელში მიმოწერით გაგრძელდა. როგორც ტრადიციულ ქართულ ოჯახში გაზრდილი გოგონა, გვანცა ვახოს შეხვედრაზე დიდხანს ეუბნებოდა უარს.
დიდი თუ პატარა ძალისხმევის მიუხედავად, აშკარაა, რომ წყვილი ერთად არის და მათ ორი შვილიც ჰყავთ. უფროსი ერეკლე და უმცროსი ლილე, რომელიც გვანცამ ქვეყნად ვახოს დაბადების დღეზე მოავლინა. როგორც ჩანს, უმშვენიერეს ოჯახს მეგობრული ურთიერთობა აკავშირებს და პატარა და-ძმას მშობლები სწორედ ამას ასწავლიან. გვანცას მიერ გამოქვეყნებულ ვიდეოებზე კარგად ჩანს, რომ ერეკლე და ლილე ისე მეგობრობენ, როგორც გვანცა და მისი ძმა.
შვებულებას ტელეკომპანია „რუსთავი 2“-ის „სხვა შუადღის“ წამყვანი მეუღლესთან ერთად მალდივებზე ატარებს და სოციალურ ქსელში ულამაზეს ფოტოებს აქვეყნებს.