თბილისი, 28 იანვარი — Sputnik. საქართველო–აზერბაიჯანის საზღვარზე დააკავეს მამაკაცი, რომელიც 22 ათასი ლარის ღირებულების არადეკლარირებული მედიკამენტების გატანას ცდილობდა, იუწყება საქართველოს ფინანსთა სამინისტროს საგამოძიებო სამსახური.
გამოძიებამ დაადგინა, რომ ბრალდებული საბაჟო-გამშვებ პუნქტ „წითელი ხიდის" გავლით საკუთარი ავტომობილით ცდილობდა აზერბაიჯანში მალულად გადაეტანა სხვადასხვა დასახელების დიდი ოდენობით მედიკამენტები.
გამოძიება მიმდინარეობს სსკ-ის 214-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას სამიდან ხუთ წლამდე ვადით.