მართლმადიდებლურმა ეკლესიამ 19 იანვარს 12 ქრისტიანური დღესასწაულიდან ერთ-ერთი უმნიშვნელოვანესი – ნათლისღება აღნიშნა. ამ დღეს თბილისში სრულიად საქართველოს კათოლიკოს-პატრიარქმა ილია მეორემ სამების საკათედრო ტაძარში ლიტურგია ჩაატარა.
სახარების მიხედვით, ეს დღესასწაული უკავშირდება მდინარე იორდანეში იოანე ნათლისმცემლის მიერ მაცხოვრის ნათლისღებას, ანუ მონათვლას. სწორედ ამ დღიდან იღებს სათავეს ნათლობის წესი და საეკლესიო პირველი საიდუმლო. საეკლესიო სწავლების მიხედვით, მაცხოვარმა იორდანეში თავისი სამგზის შთაფვლით განწმინდა წყლები.