თბილისი, 19 იანვარი — Sputnik. ქუთაისი-სამტრედიის დამაკავშირებელ გზაზე მომხდარი ავტოსაგზაო შემთხვევის შედეგად ორი ადამიანი დაიღუპა, იუწყება საზოგადოებრივი მაუწყებლის პირველი არხი.
არსებული ინფორმაციით, სოფელ ბაშის მონაკვეთზე ავტომობილის მძღოლმა საჭე ვერ დაიმორჩილა, რის შემდეგაც ავტომობილი გამყოფ ზოლს დაეჯახა. ადგილზე გარდაიცვალა ახალგაზრდა ქალი, მცირეწლოვანი ბავშვი კი საავადმყოფოში მიყვანის შემდეგ დაიღუპა.
გარდაცვლილები ბიძაშვილები არიან, ისინი შუახევის მუნიციპალიტეტში ცხოვრობდნენ.
გამოძიება დაწყებულია სსკ-ის 276-ე მუხლის მერვე ნაწილით, რაც გულისხმობს „ტრანსპორტის მოძრაობის უსაფრთხოების და ექსპლუატაციის წესის დარღვევას, რამაც ორი ან მეტი ადამიანის სიცოცხლის მოსპობა გამოიწვია“ და ექვსიდან ათ წლამდე თავისუფლების აღკვეთას ითვალისწინებს.