გასულ კვირაში ვულკან ტაალიდან ვულკანური ფერფლი ამოიფრქვა, რომლის სვეტის სიმაღლემ კილომეტრს მიაღწია. ფილიპინების ვულკანოლოგიისა და სეისმოლოგიის ინსტიტუტმა (Phivolcs) მოვლენასთან დაკავშირებით საფრთხის დონე ხუთბალიანი სისტემით მეოთხემდე გაზარდა და ვულკანის მიმდებარე ტერიტორიაზე სრული ევაკუაციის რეკომენდაცია გასცა.
ვულკანის ამოფრქვევის საშიშროების გამო ფილიპინების ხელისუფლებამ სამი დასახლებული პუნქტიდან 80 ათასი ადამიანის ევაკუაცია დაიწყო.
ცნობილია, რომ ვულკანი ტაალი ერთ-ერთი ყველაზე პატარა მოქმედი ვულკანია დედამიწაზე, ის წყნარი ოკეანის ვულკანური „ცეცხლოვანი წრის“ ნაწილია და 1572 წლიდან 30-ზე მეტჯერ ამოიფრქვა.