თბილისი, 15 იანვარი — Sputnik. ოზურგეთის ცენტრში შეიარაღებულმა პირმა სუპერმარკეტი „მოდერნი" დააყაჩაღა, იუწყება ტელეკომპანია Rustavi 2.
თვითმხილველების თქმით, შეიარაღებულმა თავდამსხმელმა მოლარეს მუქარით ნავაჭრი თანხა წაართვა და მიიმალა.
გავრცელებული ინფორმაციით, წაღებულია 1500 ლარამდე თანხა.
როგორც ადგილობრივი მცხოვრებლები აცხადებენ, მძარცველს ნიღაბი და ხელთათმანები ეკეთა.
ადგილზე მობილიზებული იყვნენ პოლიცია და ექსპერტ-კრიმინალისტები.
მომხდარზე გამოძიება სსკ-ის 179-ე ყაჩაღობის მუხლით დაიწყო.