გუშინ საქართველოს დედაქალაქში, სამების საკათედრო ტაძარში ბავშვების საყოველთაო ნათლობა გაიმართა.
ამჯერად უწმინდესმა და უნეტარესმა ილია მეორემ 521 ბავშვი მონათლა. ეს უკვე 62-ე საყოველთაო ნათლობა იყო. აქამდე საქართველოს პატრიარქს უკვე ჰყავდა 40 388 ნათლული.
საქართველოს მართლმადიდებლური ეკლესიის წინამძღოლი ნათლავს ყოველ მესამე და მომდევნო ბავშვს, რომელთა მშობლებიც ჯვარდაწერილები არიან. ამ ინიციატივის მიზანი შობადობის გაზრდა და ქვეყნის დემოგრაფიული მდგომარეობის გაუმჯობესებაა.