თბილისი, 11 იანვარი — Sputnik. მოსკოვში დაიწყო შეხვედრა რუსეთის პრეზიდენტ ვლადიმირ პუტინსა და გერმანიის კანცლერ ანგელა მერკელს შორის, იუწყება РИА Новости.
მერკელმა და პუტინმა ევროპაში გაზის ტრანზიტის საკითხზე ისაუბრეს >>
კრემლში შეხვედრის დაწყებისას პუტინმა კანცლერს ვიზიტისთვის მადლობა გადაუხადა.
„მე და თქვენ მუდმივ კავშირზე ვართ, დაკავებული ვართ ეკონომიკური, პოლიტიკური პრობლემებით, ასევე საერთაშორისო საკითხებით... არსებობს უფრო მწვავე საკითხებიც, რაზედაც, რამდენადაც მესმის, გვექნება საუბარი“, - განაცხადა პუტინმა.
მერკელმა, თავის მხრივ, აღნიშნა, რომ საუბარს მოულოდნელად ელოდება.
„ყოველთვის დარწმუნებული ვარ, რომ უმჯობესია ერთმანეთის ვისაუბროთ, ვიდრე ერთმანეთის შესახებ“, - აღნიშნა მან.
ფედერალური კანცლერი მოსკოვში რუსეთის ლიდერის მოწვევით იმყოფება. მას საგარეო საქმეთა მინისტრი ჰაიკო მაასი ახლავს. პუტინმა და მერკელმა ამ შეხვედრაზე დეკემბერში, პარიზში ნორმანდიულ სამიტზე, შეთანხმდნენ.
კრემლის პრესსამსახურის მონაცემებით, რუსეთისა და გერმანიის ლიდერების განხილვის ერთ-ერთი მთავარი თემა იქნება ახლო აღმოსავლეთში დაძაბულობის ესკალაცია, ირანელი გენერლის, ქასემ სულეიმანის მკვლელობის შემდეგ; სიტუაცია სირიასა და ლიბიაში, დარეგულირების საკითხები უკრაინაში და ორმხრივი ურთიერთობების საკითხები.
მოსალოდნელია, რომ მოლაპარაკებები დაახლოებით ორ საათს გასტანს, შემდეგ კი ერთობლივი პრესკონფერენცია გაიმართება, რომლის დასასრულს მერკელი ბერლინში დაბრუნდება.