ირანის დედაქალაქთან ჩამოვარდა უკრაინული სამგზავრო ლაინერი, რომელზეც 176 ადამიანი იმყოფებოდა. ავიაკატასტროფა იმამ ჰომეინის სახელობის საერთაშორისო აეროპორტის მახლობლად მოხდა. საჰაერო ხომალდი თითქმის აფრენისთანავე ჩამოვარდა.
მასმედიის ცნობით, მგზავრებს შორის იყვნენ ირანის, კანადის, გერმანიის, დიდი ბრიტანეთის, შვედეთისა და ავღანეთის მოქალაქეები. კატასტროფის შედეგად ვერავინ გადარჩა.
აეროპორტის ოფიციალური წარმომადგენლის ინფორმაციით, კატასტროფის მიზეზი ავიალაინერის ტურბინის აალება გახდა.