მოედანზე ათასობით ადამიანი მივიდა. იქვე გაიმართა საზეიმო კონცერტი. ნაძვის ხის განათების შემდეგ გაუშვეს ფეიერვერკები. შთამბეჭდავი სალუტები ქალაქის სხვადასხვა უბნებიდან ჩანდა.
წლევანდელი ნაძვის ხე საზოგადოების ნაწილს არ მოეწონა. თბილისის მერმა კახა კალაძემ ჟურნალისტებს უპასუხა შეკითხვაზე – ღირდა თუ არა ეს ნაძვის ხე მართლა მილიონი ლარი და საჭირო იყო თუ არა მისი მილანიდან ჩამოტანა. კახა კალაძემ მომავალ წელს ნორვეგიიდან ბუნებრივი ნაძვის ხის ჩამოტანის პირობა დადო.
სადღესასწაულო ილუმინაციებისა და დეკორაციების შესაძენად თბილისის მერიამ 2,8 მილიონი ლარი გადაიხადა.
ახალი ნაძვის ხე, რომელიც 25 მეტრის სიმაღლისაა, დედაქალაქს 304,8 ათასი ევრო დაუჯდა, ახალი მანათობელი კონსტრუქციები და სხვადასხვა აქსესუარები – 525 ათასი ევრო.