თბილისი, 1 დეკემბერი — Sputnik. მიმდინარე წლის პირველ ცხრა თვეში საქართველოს შსს-მ დაახლოებით 54 ათასი დანაშაული დაარეგისტრირა, რაც 2018 წლის იმავე პერიოდთან შედარებით 9,9%-ით მეტია, ნათქვამია სამინისტროს ვებგვერდზე გამოქვეყნებულ მასალებში.
დასახელდა ყველაზე გავრცელებული დანაშაულები საქართველოში >>
საანგარიშო პერიოდის განმავლობაში შესაძლებელი გახდა 18,5 ათასი დანაშაულის გახსნა. შედარებისთვის, გასულ წელს 49 ათასი საქმიდან 17,3 ათასი გახსნეს.
სამი ყველაზე გავრცელებული დანაშაული საქართველოში:
| დანაშაული | შემთხვევების რაოდენობა | ზრდა 2018 წელთან შედარებით |
| ქურდობა | 16.8 ათასზე მეტი | + 7.73% |
| ნარკოდანაშაული | დაახლოებით 5.7 ათასი | + 47.1% |
| ოჯახში ძალადობა | 4.2 ათასზე მეტი | + 2.7% |
წლის დასაწყისიდან საქართველოში 2,6 ათასზე მეტი ავტოსაგზაო შემთხვევა მოხდა, რომელთაგან 293 სიკვდილით დასრულდა.
რაც შეეხება საქართველოს მთავარ მიღწევას - მექრთამეობასთან ბრძოლას - იანვრიდან ოქტომბრამდე, ამ მუხლით 50 სისხლის სამართლის საქმე აღიძრა - სამი ფაქტით ნაკლები, ვიდრე გასულ წელს.