თბილისი, 25 ნოემბერი — Sputnik. ორი ადამიანი აღმოჩნდა საავადმყოფოში თბილისში, წყალტუბოს ქუჩაზე გუშინ, გვიან ღამით მომხდარი ინცინდენტის შედეგად, იუწყება ტელეკომპანია „იმედი".
თვითმხილველების ინფორმაციით, ახალგაზრდებს შორის კონფლიქტი სიტყვიერ შელაპარაკებას მოჰყვა.
ერთი დაჭრილი, რომელიც 22 წლისაა, სასწრაფო დახმარების ბრიგადამ გერმანულ ჰოსპიტალში გადაიყვანა. ექიმის ცნობით, პაციენტის მდგომარეობა ამ ეტაპზე სტაბილურია და მის სიცოცხლეს საფრთხე არ ემუქრება.
მეორე დაჭრილი კი ღუდუშაურის სახელობის საავადმყოფოშია გადაყვანილი.
შინაგან საქმეთა სამინისტროს ინფორმაციით, ფაქტზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.