როგორც „ფეისბუქის“ გვერდზე გავრცელებული ვიდეოს აღწერიდან ირკვევა, დღეს ბერი ნიკოლოზის დაბადების დღეა და მას მრევლი ღამის 12 საათზე მიადგა სახლში. ვიდეოში ჩანს, რომ ბერმა მათ მადლობის ნიშნად საკუთარი ნაწერები დაურიგა. რამდენიმე დღის წინ მარჯანიშვილის თეატრში მრევლმა მას საღამოც მიუძღვნა. ბერმა ნიკოლოზმა ღონისძიებაზე მისვლა ვერ შეძლო, თუმცა სოციალურ ქსელში გავრცელდა ფოტო, სადაც ამტკიცებენ, რომ ბერი მარჯანიშვილის თეატრის სცენაზე სასწაულის ძალით გამოისახა.