თბილისი, 19 ნოემბერი — Sputnik. მესტიის მუნიციპალიტეტის სოფელ ეცერის მახლობლად ტყეში გაჩენილ ხანძარს მეხანძრე-მაშველები უკვე მესამე დღეა ებრძვიან.
როგორც „Sputnik–საქართველოს“ კორესპონდენტი შემთხვევის ადგილიდან იტყობინება, დილიდან ხანძრის ჩაქრობის პროცესში 90 მეხანძრე-მაშველი ჩაერთო.
ამ დროისათვის ხანძრის ძირითადი კერები ლოკალიზებულია. ძირითადად დამწვარია ბალახის საფარი, დაბალი ეკალ-ბარდები და ბუჩქები. დამწვარია დაახლოებით 3 ჰექტარი.
ნიკა ლატარია