თბილისი, 18 ნოემბერი — Sputnik. წყალტუბოს მუნიციპალიტეტის სოფლებში სორმონსა და რიონში ხანძართან ბრძოლა ამ დრომდე გრძელდება, იუწყება ტელეკომპანია Rustavi2.
წყალტუბოს მუნიციპალიტეტში ცეცხლი გუშინ, საღამოს გაჩნდა. ცეცხლის პირველი კერა სოფელ სორმონში გაჩნდა, ძლიერი ქარის შედეგად კი ხანძარი სოფელ რიონის ტყეშიც გავრცელდა.
გავრცელებული ინფორმაციით, ცეცხლი ჩაის ბუჩქებსა და ეკალ-ბარდებს გაუჩნდა.
საგანგებო სიტუაციების მართვის სამსახურის ცნობით, ცეცხლის ძირითადი კერები ლოკალიზებულია და ამჟამად სალიკვიდაციო სამუშაოები მიმდინარეობს.
ამ დროისთვის ადგილზე რვა სამაშველო ჯგუფი და 50-მდე მეხანძრე მუშაობს.
ხანძრის ჩაქრობას ქართან ერთად ცუდი ხილვადობაც ართულებს.