თბილისი, 18 ნოემბერი — Sputnik. ქუთაისის შემოვლით გზაზე ბათუმი–თბილისის მარშრუტით მოძრავი „მეტრო ჯორჯიას“ სამგზავრო ავტობუსი დაიწვა, იუწყება აჭარის ტელევიზია.
შემთხვევა გუშინ, გვიან ღამით მოხდა. შემთხვევის დროს ავტობუსში 50-მდე მგზავრი იმყოფებოდა.
საგანგებო სიტუაციების მართვის სამსახურის ინფორმაციით, ცეცხლის ლიკვიდაცია მალე მოხდა. უწყების ცნობით, ხანძრის შედეგად არავინ დაშავებულა.
ადგილზე იმყოფებოდნენ სამართალდამცველები და საგანგებო სიტუაციების მართვის სამსახურის წარმომადგენლები.
ფაქტზე გამოძიება საქართველოს სსკ-ის 187-ე მუხლის მეორე ნაწილი დაიწყო, რაც ნივთის დაზიანებას ან განადგურებას გულისხმობს.