თბილისი, 16 ნოემბერი – Sputnik. იაპონიის სანაპიროზე, ტიბას პრეფექტურაში 5,3 მაგნიტუდის მიწისძვრა მოხდა, იუწყება საინფორმაციო სააგენტო РИА Новости აშშ–ის გეოლოგიურ სამსახურზე (USGS) დაყრდნობით.
მიწისძვრა ადგილობრივი დროით 02:51 საათზე (თბილისის დროით 06:51 სთ) დაფიქსირდა. მიწისძვრის კერა 10 კილომეტრის სიღრმეში იყო.
ინფორმაცია მსხვერპლისა და ნგრევის შესახებ არ გავრცელებულა, ასევე არ გამოცხადებულა ცუნამის საფრთხე.