თბილისი, 11 ნოემბერი — Sputnik. გორში 32 წლის მამაკაცი სანადირო თოფიდან გასროლით დაიღუპა, იუწყება საზოგადოებრივი მაუწყებლის პირველი არხი.
შემთხვევა გორის მუნიციპალიტეტის სოფელ ილოზში ნადირობის დროს მოხდა.
გავრცელებული ინფორმაციით, ახალგაზრდა მამაკაცი თანასოფლელებთან ერთად სანადიროდ იყო ტყეში წასული, მოგვიანებით კი გარდაცვლილი ნახეს.
ამ ეტაპზე უცნობია, მამაკაცს იარაღი გაუვარდა თუ სხვისი ნასროლი ტყვია მოხვდა.
მომხდარ ფაქტზე გამოძიება დაიწყო.