თბილისი, 10 ნოემბერი - Sputnik. მეტროსადგურ „ახმეტელის თეატრიდან“ „დიდუბის“ მიმართულებით, რამდენიმე წუთით მატარებლების მოძრაობა შეფერხდა, იუწყება საზოგადოებრივი მაუწყებლის პირველი არხი.
გავრცელებული ინფორმაციით, მატარებლების მოძრაობა აღნიშნულ მონაკვეთზე ექვსი წუთით ძაბვის ვარდნის გამო იყო შეფერხებული.
პრობლემა ამ დროისთვის აღმოფხვრილია.
თბილისის სატრანსპორტო კომპანიის ინფორმაციით, ადგილზე შესაბამისი ჯგუფი იმყოფებოდა. ამ დროისთვის მატარებლები ჩვეულ რეჟიმში განაგრძობენ მოძრაობას.