ბოლივიის ფაქტობრივ დედაქალაქში 5 ნოემბერს, ღამით ოპოზიციასა და პრეზიდენტის მომხრეებს შორის შეტაკება მოხდა. არეულობები მას შემდეგ დაიწყო, რაც მომიტინგეებმა დასაქმების სამინისტროს შენობაზე პრეზიდენტის გადადგომის მოთხოვნით პლაკატის გაკვრა სცადეს.
ოპოზიციამ ევო მორალესის გადადგომის მოთხოვნა ოქტომბერში გამართული საპრეზიდენტო არჩევნების შემდეგ წამოაყენა. მაშინ სახელმწიფოს მოქმედმა მეთაურმა ხმების 47%-ზე მეტი მოაგროვა, ხოლო მისმა კონკურენტმა – პარტია „სამოქალაქო საზოგადოების“ წევრმა კარლოს მესამ – 36,51%. ოპოზიციამ საარჩევნო კომისია შედეგების ფალსიფიცირებაში დაადანაშაულა.