თბილისი, 29 ოქტომბერი — Sputnik. ორშაბათს მასობრივი კიბერშეტევის შედეგად ქართული ტელეარხ „მაესტროს" მაუწყებლობა ნაწილობრივ პარალიზებულია, ტელეარხი „იმედი" კი შეფერხებით მაუწყებლობს, იუწყება ტელეკომპანია „იმედი".
საქართველოში მასშტაბური კიბერშეტევა განხორციელდა სამთავრობო უწყებების, არასამთავრობო ორგანიზაციების, კერძო კომპანიებისა და მედია-საშუალებების ვებ-გვერდებზე. ბევრ სამთავრობო და კერძო სტრუქტურის ვებ-გვერდზე ოფიციალური პირველი გვერდების ნაცვლად ჰაკერებმა ექს-პრეზიდენტ მიხეილ სააკაშვილის ფოტო გამოაქვეყნეს წარწერით I'll be Back („მე დავბრუნდები"). დაზარალდა ასობით ვებ-გვერდი.
„იმედისა" და „მაესტროს" შემთხვევაში დაზიანდა ტექნიკა და გაითიშა სერვერები. „იმედი" ეთერში გათიშვიდან 20 წუთის შემდეგ დაბრუნდა, „მაესტრო" კი მხოლოდ სტუდიიდან მაუწყებლობას ახერხებს- ვერ ახორციელებს შემთხვევის ადგილიდან ჩართვას.
ამ დროისთვის სპეციალისტები ძვირადღირებული ტექნიკის მდგომარეობას სწავლობენ, რომელიც გადარჩა.
როგორც ჰოსტინგურ კომპანია Pro-Service-ში აცხადებენ, გათიშული ვებ-გვერდები დღის ბოლომდე აღდგება.
მომხდარ ფაქტზე გამოძიება სისხლის სამართლის კოდექსის 284-ე მუხლით დაიწყო, რაც კომპიუტერულ სისტემაში უნებართვო შეღწევას გულისხმობს.