თბილისი, 28 ოქტომბერი - Sputnik. ახალციხე-ადიგენის დამაკავშირებელ გზაზე ავტოსაგზაო შემთხვევა მსხვერპლით დასრულდა, იუწყება ტელეკომპანია Imedi.
გავრცელებული ინფორმაციით, Mercedes-ის მარკის მსუბუქი ავტომანქანა სატვირთოს დაეჯახა, რის შედეგადაც მსუბუქ მანქანაში მსხდომი სამი მგზავრიდან ორი გარდაიცვალა, ერთი კი მძიმედ დაშავდა. ის სასწრაფო-სამედიცინო დახმარების ბრიგადამ კლინიკაში გადაიყვანა.
ადგილზე მობილიზებულები იყვნენ სასწრაფო-სამედიცინო დახმარების ბრიგადები და საპატრულო პოლიციის ეკიპაჟები.
მომხდარის გამომწვევი მიზეზები უცნობია.
მომხდარზე გამოძიება საქართველოს სსკ-ის 276-ე მუხლის მერვე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც რამაც ორი ან მეტი ადამიანის სიცოცხლის მოსპობა გამოიწვია.