სექსუალური მსახიობი ქმრებთან და პარტნიორებთან დაშორებით, ეროტიკული ხასიათის როლებით, ინტიმური ფოტოსესიებითა და Playboy-სთან თანამშრომლობით პოპულარული გახდა. შორენა ბეგაშვილის კარიერული საფეხურები უამრავმა ადამიანმა იცის, მაგრამ სულ ცოტა კონცენტრირდება იმაზე, რომ შორენა ეროტიკული როლების გარდა საკმაოდ სერიოზული და საპასუხისმგებლო ფილმის გმირიც გამხდარა. შორენა ოფიციალურად ორჯერ იყო დაოჯახებული. მათ შორის უკანასკნელ პარტნიორთან ურთიერთობას საგულდაგულოდ მალავდა.
სკანდალური მსახიობი ბევრი ადამიანის ყურადღებას იქცევს. შორენა ბეგაშვილი ის შემთხვევაა, როდესაც ქალბატონებიც კი მისი ფორმებით ტკბებიან, ბევრი კი ცდილობს მისი სტილისა და იმიჯის ათვისებას. ჭორებით მოცული ტელესახე სხვადასხვა გადაცემების ერთ-ერთი ხშირი და რეიტინგული სტუმარია. როგორც ჩანს, მსახიობი ხანგრძლივი პაუზის შემდეგ „რუსთავი 2“-ს ახალი პროექტით დაუბრუნდა.
სკანდალს სკანდალი მოჰყვება. შორენა ბეგაშვილის ცხოვრებაც ასე ვითარდება. ბიზნესმენ ირაკლი ნანაძესთან გამოქვეყნებულმა ფოტომ დიდი აჟიოტაჟი გამოიწვია. უამრავი ადამიანი ეხმაურებოდა შორენას და უკომენტარებდნენ, რომ ასაკით უფროს მამაკაცთან ურთიერთობა არ უხდებოდა. შემდეგ შორენამ მამაკაცთან გადაღებული ფოტოების გამოქვეყნება შეწყვიტა. მიუხედავად ამისა, საზოგადოებამ ის ფაქტიც შენიშნა, რომ პოპულარულმა არტისტმა პარტნიორს სოციალურ ქსელში „გამოწერა“ გაუუქმა.
ახლა შორენა კომპანიებთან თანამშრომლობას განაგრძობს და უახლეს ფოტოს ესთეტიკური ცენტრიდან აქვეყნებს. როგორც ნებისმიერ ქალბატონს, შორენასაც ძალიან უყვარს თავის მოვლა. სხვადასხვა კომპანიებთან თანამშრომლობა მას მოვლის მეტ შანსს აძლევს. როგორც აღმოჩნდა, შორენა თავისუფლებით ტკბება და ახალ ფოტოს წარწერა დაურთო: „ჩემს საუცხოო მანიკურს ანგელოზური სიმშვიდით ველოდები... მე საუკეთესოს ვირჩევ!“
შორენა ბეგაშვილმა ტატუ გაიკეთა და Instagram-ის „ფოლოურებს“ ამცნო, რომ მალე სრულიად მოიხატება.
„დღეიდან ყველა ჩემი tatoos ავტორი ლაშა ჩხაიძეა. ისე ლამაზად ხატავს, მალე სულ მოვიხატები. ვინც აპირებთ გირჩევთ, რომ მერე ჩემსავით არასწორი ტატუს მოშორებაზე არ იწვალოთ“,- წერს ბეგაშვილი.