თბილისი, 22 ოქტომბერი — Sputnik. გარდაბნის მუნიციპალიტეტის 10 თვის ჩვილი გარდაიცვალა, იუწყება Rustavi 2.
შემთხვევა სოფელ მთისძირში დღეს მოხდა.
გავრცელებული ინფორმაციით, ოჯახის წევრებმა 10 თვის ბიჭი დილით გარდაცვლილი ნახეს. ოჯახის მეზობლების თქმით, ბავშვს, სავარაუდოდ, მენინგიტი ჰქონდა.
შსს-ს ინფორმაციით, მომხდარ ფაქტზე საქმე 116-ე მუხლით აღიძრა, რაც გაუფრთხილებლობით სიცოცხლის მოსპობას გულისხმობს. დანიშნულია შესაბამისი ექსპერტიზა.