საქართველოში უკვე მეხუთედ იმართება ნიჭისა და სილამაზის კონკურსი „მის და მისტერ პლანეტა“. იხილეთ „Sputnik-საქართველოს“ ფოტოკადრები, თუ როგორ მიმდინარეობს კონკურსისათვის მზადება.
ფინალისტები 15 ქვეყნიდან თბილისს ეწვივნენ, რათა საკუთარი ნიჭი და სილამაზე უჩვენონ. მონაწილეები საქართველოდან, ალბანეთიდან, აზერბაიჯანიდან, ბულგარეთიდან, რუმინეთიდან, უკრაინიდან, ბელარუსიდან, იტალიიდან, ესპანეთიდან, პოლონეთიდან, ინდოეთიდან, სამხრეთ აფრიკიდან და სხვა ქვეყნებიდან მაყურებლის წინაშე წარდგებიან სხვადასხვა სამოსით და საღამოსთვის მომზადებულ ნომრებს უჩვენებენ.
კონკურსის ფარგლებში მოდელები, ასევე სხვადასხვა კონკურსების გამარჯვებულები უკვე ესტუმრნენ კახეთს, სადაც ადგილობრივ სამზარეულოს და ღირსშესანიშნაობებს გაეცნენ.
ერთი კვირის განმავლობაში ისინი მონაწილეობას იღებდნენ სხვადასხვა ღონისძიებაში: ეროვნული სამოსის ტური, ექსკურსიები, ფოტოსესიები, ჟურნალისტებთან შეხვედრები.
კონკურსის ფინალური შოუ 19 ოქტომბერს თბილისში შედგება. პროექტის მონაწილეები წარმოადგენენ ცნობილი ქართველი დიზაინერის პატუნა ბუშიჰედის სამოსს. შოუზე იმღერებენ ქართველი მომღერლები ვერიკო ტურაშვილი და მარკუს მეტრეველი.
პირველად კონკურსი 2015 წელს ჩატარდა, როდესაც Miss Planet-ის პრეზიდენტმა ირინა პაპაზოვამ კონკურსანტების ფინალური დაპირისპირებისთვის თბილისი აირჩია.