ტელეწამყვან მაია ასათიანის ორსულობასთან დაკავშირებით ჭორები არ წყდება. მაია ასათიანი საზოგადოებას კიდევ ერთხელ პასუხობს, რომ ის ორსულად არ არის და ამას არც გეგმავს.
ცოტა ხნის წინ მაია ასათიანი „პროფილის“ ახალ პრომოში განსხვავებული იმიჯით წარდგა მაყურებლის წინაშე – ის მთის მწვერვალზე დგას, სამხედრო ფორმა აცვია და თმაზე ნაწნავი აქვს. გადაცემის ახალ პრომოს უკვე მოჰყვა ტელემაყურებლის კომენტარები. მაია ასათიანს დაბრუნებას და ახალ სეზონს ულოცავენ და წარმატებას უსურვებენ.
ჟურნალისტის საავტორო გადაცემა გარკვეული პერიოდის მანძილზე ეთერში აღარ გადიოდა, როცა ორი წლის წინ მაია ასათიანის და ირაკლი მახვილაძის 18 წლის ქალიშვილი ნუცა მახვილაძე პარიზის საავადმყოფოში გარდაიცვალა. ნუცა მახვილაძე საფრანგეთში ამერიკულ უნივერსიტეტში პიარისა და მარკეტინგის ფაკულტეტზე სწავლობდა. მომხდარი ტრაგედიის მერე მაია ასათიანი საკუთარ გადაცემას თვეების შემდეგ დაუბრუნდა.