გია ჯაჯანიძე: „დედა შეკრეს, ფსიქიატრიულში წაიყვანეს და როცა ვნახე, მან ვერ მიცნო“
© Sputnik
„ძალიან უცნაური ბავშვობა მქონდა და იქაც იყო დაუჯერებელი დეტალები, რასაც დღეს ვერ ვყვები. მყავდა ცალხელა ბაბუა, რომელიც სულ ერთ დაუსრულებელ ზღაპარს მიყვებოდა. ვერ ვსწავლობდი, განა არ ვსწავლობდი – ვერ ვიგებდი. არ მიყვარდა ბავშვებთან თამაში, მიყვარდა, როცა მათ ვუყურებდი. ერთადერთი ჩემი გასართობი იყო ჭიათურაში საშევარდნოს კლდე, რომლის შუაგულში იჯდა მაყურებელი და გარეთ რაც ხდებოდა, ყველაფერს უყურებდა“, – ამბობს გია ჯაჯანიძე სატელევიზიო გადაცემაში.
ტელეწამყვანი გია ჯაჯანიძე იხსენებს: „უცნაური ცხოვრება მქონდა, ლამაზად მეცვა, ლამაზად ვლაპარაკობდი, ლამაზად ვიღვიძებდი და ეს ყველაფერი კინოში ხდებოდა – მე ვცხოვრობდი კინოში“.