კალაძე: ტაქსის ქიმიურად გაწმენდისთვის მძღოლები საჩუქარს მიიღებენ
© Sputnik
„პირველი ნოემბრიდან იმ ტაქსის მძღოლებს, რომლებიც A კატეგორიით ჩაერთნენ მომსახურების მიწოდებაში, ექნებათ შესაძლებლობა, დამატებით მიიღონ სალონის ქიმიური წმენდის ვაუჩერი, ყოველგვარი გადასახადების გარეშე. ჩვენი მთავარი ამოცანაა, ტაქსიში იყოს სისუფთავე, იყოს მოწესრიგებული. რეფორმის შემდეგ ეტაპზე ვაპირებთ კონტროლს, რომ ტაქსები შიგნით იყოს მოწესრიგებული და სუფთა“, – ამბობს კახა კალაძე.
თბილისის მერის თქმით, ის მძღოლები, რომლებიც ტაქსის ქიმიური წმენდის ვაუჩერით ისარგებლებენ, საჩუქრად ავტომობილის მოსავლელი საშუალებების შესაძენად 20%-იან ფასდაკლების ბარათებსაც მიიღებენ.