ქართული პრესა ბევრს საუბრობდა ბიზნესმენ ირაკლი ნანაძესა და შორენა ბეგაშვილს შორის არსებულ სასიყვარულო ურთიერთობაზე. წყვილი ოფიციალურად დიდხანს არ ასაჯაროებდა ურთიერთობას, თუმცა თბილისში პოპულარული ქალის ცხოვრება საიდუმლოდ არ დარჩენილა.
Invictus motorcycle club-ის დამფუძნებელი, ბიზნესმენი ირაკლი ნანაძე საზოგადოებამ წლების წინ გაიცნო, როდესაც ყვითელი პრესა აქტიურად წერდა იმაზე, რომ მსახიობი ცოლიან მამაკაცს ხვდებოდა. ირაკლი ნანაძემ შორენა ბეგაშვილს გასულ წელს ხელი ოფიციალურად სთხოვა და წყვილმა იქორწინა. თუმცა, როგორც ირკვევა, ერთწლიანი თანაცხოვრების შემდეგ წყვილი ერთმანეთს დაშორდა, რასაც განქორწინების ფოტოც მოწმობს, რომელიც ცოტა ხნის წინ ბეგაშვილმა Instagram-ის პირად გვერდზე დადო.
მსახიობი შორენა ბეგაშვილი დაქორწინებული რამდენიმე წლის წინაც იყო. ქალიშვილი ევა ბარბაქაძე მას სწორედ ამ ქორწინებიდან ჰყავს. ცნობილია ის ფაქტიც, რომ „ფლეიბოიში“ გადაღების დროს ისინი ისევ ოფიციალურ ქორწინებაში იმყოფებოდნენ, ხოლო დაშორების მიზეზი მისი სკანდალური ფოტოები არ გამხდარა.
როგორც ერთ-ერთ გადაცემაში მოგვიანებით შორენამ ისაუბრა, ბარბაქაძეს ღალატის გამო დაშორდა. შორენას ქმარი ზურაბ ბარბაქაძეა, რომელმაც ცოტა ხნის წინ იქორწინა. მისი რჩეული უკრაინაში ცნობილი დიზაინერი გალინა აპილატია. გალინა და მისი და ლუბა საქორწინო კაბებზე, პენუარებსა და ქალის თეთრეულზე მუშაობენ.
მიუხედავად იმისა, რომ როგორც შორენა ამტკიცებს, ქმარმა რამდენჯერმე მოიტაცა, დაშორების მიზეზად კი მის ღალატს ასახელებს, ამ ყველაფერს მსახიობის ქმარი უარყოფდა – სკოლიდან შეყვარებულები ვიყავით, არავის მოუტაცია და არც მისთვის მიღალატიაო.