თბილისი, 1 ოქტომბერი — Sputnik. სიღნაღში რესტორან „ნიკალას" სახურავს ცეცხლი გაუჩნდა. ადგილზე ხუთი სახანძრო-სამაშველო ბრიგადა მუშაობს, იუწყება პირველი არხი.
საგანგებო სიტუაციების სამსახურის განცხადებით, ამჟამად მიმდინარეობს ხანძრის სალიკვიდაციო სამუშაოები.
რესტორნიდან და სასტუმროდან ადამიანები ევაკუირებული არიან. ინციდენტის შედეგად არავინ დაშავებულა.
ჯერჯერობით უცნობია, რამ გამოიწვია ხანძარი.