თბილისი, 26 სექტემბერი — Sputnik. ახმეტის მუნიციპალიტეტის სოფელ ზემო ხოდაშენში ახალგაზრდა მამაკაცის დამწვარი ცხედარი იპოვეს, იუწყება ტელეკომპანია Rustavi 2.
დაკარგული ახალგაზრდის ცხედარი გუშინ, ღამით ერთ-ერთმა მწყემსმა სოფლის სასაფლაოს მიმდებარედ აღმოაჩინა.
შემთხვევის ადგილზე ასევე ნაპოვნია ბენზინიანი ავზიც.
ადგილობრივების ინფორმაციით, ახალგაზრდა თბილისში ცხოვრობდა და ძმასთან ერთად სოფელ კოღოთოში ერთ-ერთ საოჯახო სასტუმროში მუშაობდა, საიდანაც რამდენიმე დღის წინ გაუჩინარდა.
მომხდარ ფაქტზე მიმდინარეობს გამოძიება.