ერთი თვის წინ, 26 აგვისტოს ნოდარ მელაძემ „ფეისბუქის“ გვერდზე ახალშობილების ფოტო გამოაქვეყნა. მანამდე, „რუსთავი 2“-ის ირგვლივ განვითარებული მოვლენების დროს მედიასთან განაცხადა, რომ მის ცხოვრებაში ახალი ეტაპი დადგა. აღნიშნა, რომ შვილებს ელოდება. სასიხარულო ამბის გაზირების შემდეგ, ერთი კვირის თავზე ნოდარ მელაძის მეუღლეს თეა ცეცხლაძეს პატარა გოგონები გაუჩნდა. პირველი ფოტო ჟურნალისტმა სამშობიაროდანვე გამოაქვეყნა და „მამას გოგოები“ დააწერა.
ნოდარ მელაძის მზრუნველობა და შვილების მიმართ თბილი დამოკიდებულება „მთავარი არხის“ პირველი საინფორმაციო გამოშვების ერთ-ერთ სიუჟეტშიც გამოჩნდა. ახალბედა მამა, მიუხედავად გადატვირთული გრაფიკისა, შვილებს დიდ დროს უთმობს. ახალი „მთავარი არხის“ ეთერში გასულ სიუჟეტში ნოდარი ნატატას და თინანოს დიდი სიყვარულით უვლის. „სხვა ცხოვრება, სხვა განცდა, სხვა გრძნობა. დღეიდან ორი შვილის მამა ვარ. ნატატა და თინანო მელაძეები დაიბადნენ. Tea Tsetskhladze მადლობა ამ დღისთვის“, – დაწერა მელაძემ.
პატარა ნატატას და თინანოს ფოტოს უმარავი გამოხმაურება მოჰყვა, ისევე, როგორც ნოდარის ნებისმიერ ნაბიჯს. ბავშვების სურათს ჟურნალისტის კოლეგები, მეგობრები და სრულიად უცნობი ადამიანები გამოეხმაურნენ. „ჭიამაიები“, „თინანოც მობუთქუნდა, ცქნაფები...“, „ამათ როგორ უძლებ! მართლა გუშინ გაჩნდნენ თითქოს“...- წერენ „ფეისბუქის“ მომხმარებლები.