თბილისი, 23 სექტემბერი – Sputnik. თბილისში, კოსტავას ქუჩაზე ავტოსაგზაო შემთხვევის შედეგად ორი ადამიანი დაშავდა, იუწყება პირველი არხი.
გავრცელებული ინფორმაციით, ერთმანეთს მსუბუქი ავტომობილი და ორი მოტოციკლი შეეჯახა. შემთხვევის შედეგად ორივე მოტოციკლის მძღოლი დაშავდა. ერთ-ერთის მდგომარეობა შედარებით მძიმეა. მას მოტეხილობები აღენიშნება.
დაშავებულები სასწრაფო დახმარების ბრიგადამ გერმანულ ჰოსპიტალში გადაიყვანა.