იუმორისტი, შოუმენი ნიკა გრიგოლია და მისი მეუღლე მარიამ ფაღავა მშობლები გახდნენ. წყვილს პატარა გოგონა დღეს შეეძინა და მას მია დაარქვეს.
„ჩვენი სიყვარულის გოგონა გამოცხვა. მია დავარქვით. არის თაგვისებრი ზარმაცა. ასევე არის მინდვრის თაგვი და ორცხობილა“, – წერს შოუმენი „ფეისბუქის“ პირად გვერდზე.
ნიკა გრიგოლიას ახალშობილი ქალიშვილის ფოტო „მთავარმა არხმაც“ გაავრცელა წარწერით: „მთავარი არხის პირველი შვილი – ნიკა გრიგოლიას გოგონა შეეძინა“.
მარიამ ფაღავაზე შოუმენი 7 წელია დაქორწინებულია. ნიკა გრიგოლიას პირველი ქორწინებიდან ერთი ვაჟი ჰყავს.